大埔最近新開一間火鍋放題店「蒲頭島」，一次歎勻任飲任食火鍋同鐵板燒，有多個不同套餐選擇，最平$100有交易。餐廳更推出女士之夜，指定套餐女士有半價，想食記得book位啊！
餐廳提供多個不同套餐，小編就推介這個任飲任食火鍋+海鮮燒烤拼盤(套餐C2)，晚上8時30分前埋單或晚上9時後入座只需要$218(星期五六日+$10)，就可以歎齊不同火鍋配料及海鮮鐵板燒/網燒。
任食火鍋以手機落單，有多款湯底選擇。
招牌香辣鍋夠惹味，芝士海鮮番茄鍋濃味夠足料。
火鍋配料有不同海鮮、肉類、蔬菜等。
店內另有自助區提供熟食、甜品、飲品任飲任食。
套餐更送一盤海鮮，有龍蝦、章魚、鮑魚等。備有不同調味粉可加到海鮮上，十分貼心！
龍蝦啖啖肉，鮮味十足！
3至4月更推出女士之夜套餐，只要是3位以上及提前一天訂座，女士就可獲半價。
大阪黑門市場燒烤套餐(套餐2)每位$268(星期五六日+$10)，一樣有任飲任食火鍋，另外包一盤燒烤拼盤及大阪燒。
拼盤一共有芝士烤菇、松露大元貝等5款美食。
大阪燒夠足料，配上芝士及木魚，可自行DIY燒製～
蒲頭島
地址：大埔舊墟直街4-20號美新大廈地下B1舖
電話：26667528
Whatsapp訂座：91397528
價錢(此為星期一至四之價錢，星期五六日需另加$10)：
*另收加一服務費
*女士之夜需點同一套餐
