【地靈人美】靜香遊信州睇雪猴

轉眼間香港已經步入初春，但係唔少國家依然仲相當寒冷，就好似日本咁，當地唔少地區仲有雪落，早前寫真界美人兒中村靜香仲為電視台拍攝咗一輯《わがまま！気まま！旅気分～中村静香 冬の信州リゾート旅～》，為大家介紹信州，亦即係長野縣嘅優美風光。

中村靜香雖然已經三十歲，亦已經成功進軍電視圈，大家可以喺好多節目當中，見到靜香着得大方又端莊咁做主持，但係靜香其實仲有拍水着寫真，難得嘅更包括靜香面孔能夠保持得可愛甜美，身材亦婀娜豐滿，寫真作品誘人之處不缺。至於今次喺節目當中，中村靜香去到長野縣除咗有喺知名嘅滑雪勝地志賀高原滑雪，仲去到地獄谷野猿公苑睇吓班雪猴點樣好似人類咁享受溫泉，另外靜香亦有去湯田中渋温泉郷等地一遊。