【地靈人美】甜美聲優變站長

好多日本動畫聲優都聲線甜美，而其真人亦同樣甜美可愛，就好似近期活躍度愈來愈高嘅諏訪七香就係其中一個好例子喇！諏訪七香係虛擬美少女團體「Aqours」成員松浦果南嘅聲優，其悅耳聲線一直深受樂迷喜愛，此外諏訪七香可愛又有陽光魅力嘅個性同樣深得欣賞，令佢成為近年頗受注目嘅聲優之一。喺12月12日，諏訪七香更加獲得伊豆箱根鐵道委任為當中嘅三島站一日站長添！當日，諏訪七香喺三島站月台接受是次站長委任狀，而月台準備出發嘅則為以「Aqours」動畫角色為主題嘅列車，月台播出嘅出發予告音樂仲變成「Aqours」其中一首歌曲《HAPPY PARTY TRAIN》，認真夠晒貼題！

三島市位於日本靜岡縣東部伊豆半島中北端，1934年三島站正式開業後才重新發展起嚟，到1969年東海道新幹線三島站開業之後，往返東京、神奈川嘅通勤、通學人口逐漸增加，就令三島市發展更為蓬勃喇。而三島市知名景點就包括三嶋大社，當地嘅鰻魚料理亦相當出名，令三島市亦有鰻魚之町嘅別名。