全國人大會議昨日（28 日）以 2,878 票贊成，大比數通過「香港國安法」決定草案。前《基本法》起草委員、民主黨創黨主席李柱銘今早（29 日）在商台節目《在晴朗的一天出發》當中表示，「香港國安法」的訂立，顯示中央對港實施全面管治權，不再「高度自治」，而且是「黨人治港」。但是李柱銘不願意宣示「一國兩制」已經死亡，因為現時是中國違反承諾，「唔係我哋錯」，外界和港人仍然應該爭取中國重新遵守「一國兩制」，自己亦無懼中共打壓，亦不會離開香港，「我點解要咁容易俾中共咁易撇甩中英聯合聲明的安排呢？撇甩《基本法》俾大家的承諾呢？點可以放佢一馬呢？我唔會㗎。」李又認為「港獨」是「羅曼蒂克」想法，並不可行；除了中國不會答應外，他亦不喜歡部分人只口講提倡，但不採取實際行動，反而令出力爭取的人承擔後果。對於英國考慮延長 BNO 護照持有人留英期限，將有利進一步取得公民權，李認為英國「完全有責任」推出相關措施。
「黨人治港、全面管治」
李柱銘表示，自去年「反送中運動」至今的示威活動都沒有損害香港法治，因為「次次都拉到人」，違法人士都會被起訴，接受公平審訊，「最多只可以話治安有傷害」，「但係警察打人，撳咗落地下仲要打，返到差館又打，咁係咪犯法呢？依家一個都冇告，呢啲先係破壞法治。」李柱銘又說，中央聲稱香港出現危害國家安全情況而主動立法，雖然立法行動在他眼中「一啲都唔出奇」，但已經違背《中英聯合聲明》：「唔係港人治港，係中央政府治港」，「而家都係一國兩制，但係變成黨人治港，同埋全面管治。」
稱《聯合聲明》為國際條約 外國有權發聲
李柱銘又指，中央政府一直認為香港是「內部事務」並以此批評外國干涉，惟他不同意香港問題屬於「內部事務」的說法，而且是中國違反《中英聯合聲明》在先：「氹咗英國人將香港島、九龍同新界交咗俾你之後，依家就話唔理《聯合聲明》，話佢冇用」。李並且說，《南京條約》和《北京條約》已明文表示香港島和九龍半島割讓給英國，新界才為租借地；在 80 年代中英談判時，英國是有所妥協才將港九新界一併交還給中國，「你唔可以話係內部事務。《中英聯合聲明》係國際條約，冇呢個協議，香港九龍根本就唔係你嘅。你當初取得國際社會支持，求人哋（將香港九龍）俾返你，人哋支持咗你，你而家有咩行動，點解人哋冇權出聲？」
期望中國遵守「一國兩制」承諾
李柱銘一直被中國指是「禍港」人物之一，李柱銘就指自己沒有份量，去到外國亦不會指點外國議員和官員如何制裁中國，「我去到美國都只係講香港真實情況佢哋知，認為佢哋有道義上的責任，為香港人發聲。我唔會教佢應該下一步做咩」，「你點做，係你自己嘅事」。美國國務卿蓬佩奧表示香港難再保有回歸前的特殊待遇，李柱銘預計稍後的制裁措施會「傷害到香港」，他自己並不希望見到，所以一直強調中國應該遵守承諾，「所以我最終仍然係希望同要求，中央政府行返鄧小平訂立的基本方針和政策，俾返一國兩制和港人治港。」
82 年訪京曾提出「港獨」遭拒
李柱銘又說，留意到有人提倡「香港獨立」，「獨立係好羅曼蒂克，但行得通咩？」李柱銘更加透露，他早在 1982 年的「訪京團」已經提出過「港獨」。「當時（港澳辦副主任）李後約咗我哋 7 個法律界人士傾計，突然間佢話想傾下香港前途問題，我哋 7 個嚇到面都青。佢話你哋唔使驚，領導人係想香港繼續穩定繁榮。」時任大律師公會主席的李表示要「講真話」，「我同佢講，你又要繁榮，又要主權，咁係魚與熊掌，不可兼得」，「新加坡係獨立國家，如果你俾香港獨立，我哋未必要一個好似李光耀咁叻的人做領導，就算好似我乜都唔識的李柱銘都可以做。所以講香港獨立，我係第一個講。」
李柱銘並且說，由於「港獨」的提議被拒絕，所以後來才提出「主權換治權」的想法，「好似業主租屋俾人咁，間屋係你嘅，你租俾人咋嘛，但對方又話『有治權無治權是空的』」，最後才逐漸發展到《中英聯合聲明》的安排。李柱銘強調港獨「好危險，一定要諗負出代價有冇成功的機會？」，「見到年輕人係好搏，但我就唔鍾意有啲人鼓吹獨立、搞革命，但自己唔走出嚟，呢啲人我真係唔妥」，「搞革命係『搞』，冇人係『講』㗎，點會講人聽我之後會點做？」
「而家唔係我哋錯」
英國外相藍轁文表示，考慮更改 BNO 護照在英國的居留條件，居留期由 6 個月變成 12 個月，期間可以工作或讀書，並指此舉將會為將來取得公民權提供路徑。李柱銘認為「英國完全有責任去做」，他過往亦曾經參與爭取本港市民獲得居英權的工作，但他也沒有忘記未取得 BNO 的人：「呢個方法係咪好？唔係曳，但係會令年輕人、中年人離開香港。仲有啲人唔離開得、冇條件，咁我哋點處理呢班人？」他認為，最好的方法仍然是中國遵守《中英聯合聲明》，「點解要假設唔得而唔爭取？而家唔係我哋錯喎。」
不離開香港 不讓中共食言
李柱銘回望過去，表示自己曾經有一刻想過離開：「80 年代初有諗過，但我過唔到自己一關。嗰陣機場仲喺啟德，如果我離開，我最想去係美國加州，因為天氣好。不過我又諗，如果我一家人離開香港，但喺飛機望返落黎香港，我都會諗『香港最艱難的時候，你就走咗？』」，最後決定留在香港，至於往後的從政之路，就是因為《聯合聲明》簽訂後，「希望以我嘅法律專長，維護香港人的法治精神同保障人權」。
李柱銘最後重申，自己現時只有 BNO 和特區護照，「故意唔申請其他國籍」，因為要繼續留在香港守護一國兩制，「如果我走，我成世為香港人爭取過的嘢，咪一下子自己抹左佢？我點面對人呀？」他又指，知道中共想他離開香港，「佢梗係想我走啦。我走嘅話佢包機都肯俾我」，「但我點解可以咁易俾中共咁易撇甩《中英聯合聲明》的安排，同埋《基本法》俾大家的承諾？點可以放佢一馬？我唔會㗎。」
守護言論與新聞自由。立場新聞，寸步不退。
每月贊助支持立場新聞
