【唔係收兵】唔認同胡鴻鈞拍拖 蔡思貝再三強調係好朋友

蔡思貝今日出席劇集《踩過界ll》造型，思貝表示唔想嚇親大家，所以無帶哨牙牙套出嚟，劇情之後會交代她變靚，不過佢反而想繼續醜，因為是角色特徵，但考慮到觀眾可能想有新鮮感，所以作出改變，正如她由師爺變大律師。另外，監製對思貝說將會有7頁紙對白的法庭戲，而且好多專業用詞，所以佢要在這方面落功夫，聖誕假期要做功課，期待接受挑戰。最近她和胡鴻鈞被爆秘密撻著，而胡鴻鈞更口快快認愛，她表示無聽到，強調大家只是好朋友。問是否了解中？她說只是一班好朋友一齊玩，覺得對方唱歌好好聽。問到有否發展機會？她稱明年大半年要拍《踩過界ll》，要專心溫習劇本。追問胡鴻鈞是否追求她？她重覆說大家只是好朋友，提到她不認愛會傷害對方，思貝堅持說是好朋友，將來拍拖會在社交平台公布。
再問是否擔心被人誤會「收兵」？思貝指出所有人也因工作而傳緋聞，有火花才有新聞當宣傳。問及另一個緋聞男友余德丞是否降級？她說一向也是好朋友兼好拍檔，期待與他再合作拍旅遊節目。