鄭裕玲（Do姐）早前與組合農夫出埠拍攝節目《Do姐晚間看地球》，期間製作團隊遊走多個地方進行錄影，不過Do姐雖然人在外，依然心繫香港。今日（17日）於其主持的電台節目中《口水多過浪花》語帶哽咽表示，整個旅程都「心掛掛」，因為近日香港發生的大事令她心痛不已。
Do姐感慨地說：「喺過去兩個禮拜，我去咗第二度，係為咗拍我一個節目，但係呢……喺當時，我哋收到好多關於香港嘅消息，睇到好多好心痛嘅場面，尤其是我哋香港嘅學生同埋年輕人。」
想到香港人正處於水深火熱中，Do姐忍着淚道：「呢兩個禮拜其實我哋去咗好多地方，要坐好多車、好多飛機。但係最後嘅一程，就係我哋最盼望嘅一程，因為嗰程係飛返香港，香港係我哋嘅屋企嚟。發生咗好多事，屋企，係最緊要…（哽咽）I’m sorry，可能我老咗，好情緒化。」
Do姐又話會盡好藝人的責任，為人們帶來歡樂，以及抒緩緊張情緒。Do姐表示：「我哋要珍惜呢個屋企，同埋尤其是我哋嘅年輕人，同埋學生。我好希望香港可以好快回復平靜，我哋和平相處嘅狀態。中間我有同迪偉（余迪偉）傾過偈，我同佢講，其實我覺得呢，我係一個娛樂人，喺一個咁繃緊嘅狀況之下，我覺得我應該做番我嘅責任。《口水多過浪花》係一個娛樂、開心嘅節目，喺一個咁嘅氣氛之下，其實我哋應該發揮我哋自己嘅作用。我相信有好多人有好多嘅情緒，就算係我哋呢兩個禮拜去咗咁遠嘅地方，都好多情緒嘅牽動，我講完呢番說話之後，我哋可以令到人，喺呢個半鐘頭，鬆番少少、開心番少少，我就覺得係盡咗自己今日嘅責任。」
不少網民都紛紛感激Do姐與大家一起同行，又留言表示，「我哋會好好保護自己嘅地方」、「難怪我地咁愛你，唔好喊呀！加油！」
圖片來源：鄭裕玲@Instagram
