建制派近日非常關注野豬問題，繼鄉議局主席劉業強提出引入「野豬天敵」，漁護署回應指野豬天敵是獅子老虎，引入風險過高而不考慮後，工聯會前立法會議員，東區區議員王國興今日就建議，可以將野豬送到無人島，「不如你搵啲島，做野豬林，捉啲野豬，定期送食物去。」但漁護署高級濕地及動物護理主任張家盛就回應指，無人島無足夠食物，「如果真係唔夠食，佢（野豬）就會走，可能會游返去最近陸地」。
東區區議會食物、環境及衞生委員會，下午討論野豬滋擾問題，不少區議員不滿漁護署工作，而王國興建議將野豬放到無人島，否則「捉完又放上山，會繼續為禍」。但漁護署高級濕地及動物護理主任張家盛就指，荒島泥土植物較少，若食物不足，野豬會游回較接近陸地，無法解決問題。
另一名區議員徐子見就提出，飼養社區狗隻有助減少野豬滋擾，張家盛就表示狗隻可能令野豬受驚，「可能會衝出馬路，危險性可能更大」。
漁護署又引述數據指，過去 10 個月全港收到 679 宗野豬出沒報告，東區佔 42 宗，野豬滋擾大多因為要覓食而出沒。當局正和理大合作設計防止野豬推倒的垃圾桶，亦正為野豬絕育避孕試驗。
