森美父母是鑽石公主號的旅客，一直被困在郵輪上多日，接受日本方面隔離。森美昨日在電台節目《早霸王》上表示父母被安排晚上乘坐包機返港，可是情況有變，要延遲至今日才可回來，他在電台節目內解釋：「點知噚晚都係落唔到船，仲喺隻船度，因為第二班機起唔到飛，後尾睇新聞先知，原來有另一個國家準備撤僑，所以香港先要讓路，要到今日先走得，我都唔知點算，都是嗰句，希望快啲落船，落船之後去邊度隔離就另一個話題。希望佢哋今日可以落船，然之後返到香港再算。我都有朋友畀隔離公屋啲環境…，我睇過樣，令我有番以前上公屋，上樓之前去睇樓咁嘅感覺。」
森美之後收拾心情，繼續如常做節目，在「答案之歌」環節講到狗很怕嘈，他駕電單車經過狗身邊會吠，身邊拍檔Marco竟接口說：「不止狗，成個廣播道居民都會吠，你嗰個車…」，森美即時作出更正，稱廣播道居民是「嘈」、「嗌」，並不是吠的。
（即時娛樂）
