新冠肺炎肆虐，各行業都受衝擊，娛樂行業亦難倖免，杜汶澤的網台今日在社交平台宣布，暫停拍攝《為何深夜總是餓》，並公開承諾不裁員亦不減人工。他留言，「市道低迷，為咗唔想減薪同裁員，我決定暫停拍攝《為何深夜總是餓》。其實同同事商量過，雖然Yellopenrice成本仲貴啲，而且100%無可能有廣告收入，純粹白做，不過大家都認為，呢個係我哋黃色媒體嘅社會責任，所以兩者之間忍痛決定咗停『總是餓』，希望觀眾體諒！」他表示，LATESHOW會繼續逢周三開騷，CEO會客室則會不定期播放。他呼籲觀眾繼續支持喱騷！支持喱騷，即係支持你自己！最後，他公開向員工承諾，「一個人都唔炒，一蚊人工都唔減！大家繼續努力，齊上齊落！抗戰抗疫！」
