潮流興健康飲食，少鹽少油少糖之餘，連原材料，也講求低脂，好似唔少追求Fit爆身形或操肌人士都愛吃嘅雞胸肉咁，由於脂肪含量少，感覺較為健康，但入口亦相對鞋得多，究竟要點處理雞胸至夠鮮嫩呢？
秘訣原來係要識「逆」，即逆紋切片。無論係新鮮抑或冰鮮雞胸肉，如有筋，記得先起掉，之後逆紋切片，切好後放入生粉、油撈勻，咁就可以令到肉質嫩滑架喇！
如果巴絲打想原件雞胸烹調來享用嘅話，就要識得「浸」，即將雞胸肉原塊放入加了少許鹽嘅水入面浸泡，大約半個至1個鐘左右即可，咁樣係為咗保存雞肉水分，高溫烹調時，就唔會流失太多水分而令肉質變鞋喇！
東網網站 : https://on.cc/
東網Facebook專頁 : https://www.facebook.com/onccnews/
