剛剛滿30歲的坤哥吳業坤，呢期除了做了新任貓奴，日日陪住主子RABU玩之外，原來新搞作，就是下定決心跟學空手道，他post自己着住空手道服跟教練李偉志擺晒踢腿甫士合照，並留言：「身為擁有Airfitness kick boxing經驗3年，TVB劇組武師即場指導3年，何日東小學國術興趣班23年，人稱『人間空氣』既我，決定左（咗）學空手道就唔可以馬虎。介紹番我師傅，我稱『人間兇器』李偉志教練，東道會空手道教練，前香港空手道精英運動員（自由搏擊）。嗯！大家都不相伯仲，我講年紀，不過真心話，我會堅持的。」雖然今次主題係空手道，但坤哥呢個新任貓奴都冇忘記主子，分享埋主子RABU同佢差唔多踢腿甫士嘅靚相，令網友都讚：「你最尾張相好正」
