【搵食CONY】「混血」娘惹菜　甜酸香辣最啱重口味人士

CONY成日都覺得，想認識一個地方嘅文化，最緊要用把口──唔係叫你要開口問，而係要開口食！近日主打新加坡菜的「沙嗲軒」推出了期間限定的「傳統風味娘惹菜譜」，CONY一試之後，才知道娘惹菜原來有南、北之分，食完一餐，又長知識，當然要同大家分享啦。

大家都知道娘惹菜源於南洋的馬來西亞和新加坡。自古以來，東南亞都是華人移居的主要地方，自明朝鄭和下西洋後尤其頻繁，而華人與當地馬來人通婚所誕下的子孫，女的就叫「娘惹」，男的則是「峇峇」。他們所烹調的菜式，亦如混血兒一般，揉合了兩地風格，形成出別樹一幟的家常菜式，是為「娘惹菜」。

娘惹菜味道偏重，大多以華人傳統食材，配合多種馬來香料製成，包括亞參（羅望子）、檸檬草、薑黃、班蘭葉等香料，具有甜酸、辛香、微辣等多種味道，好像「甘香炒啦啦」，「啦啦」是蜆的馬拉語，以中式烹調手法炒製，而甘香醬則是馬來西亞獨有醬料，以海味混合咖喱粉、咖哩葉、蒜、乾蔥等製成，味道具層次，亦能帶出蜆的鮮味。

南北點分？

正如上文所指，娘惹菜有南、北之分。新加坡、馬六甲和東馬屬於南方，檳城則屬北方，他們的最大分別在於北娘惹菜除了結合了華人與土生馬來人的烹調特色，亦滲入了英國和泰國口味，因檳城鄰近泰國，而且是最先割讓給英國之地，可以看到炸西多和炸魚等菜式。而今次沙嗲軒就為大家帶來南娘惹菜，並有少許創新，例如筍殼魚多作清蒸，主廚卻選擇將之油炸，再伴以自家製亞參醬，微酸香辣，十分過癮。