由Tom Cruise主演的荷里活電影《Top Gun》,自1986年公映以來一直是最具代表性的軍事電影,除了故事劇情夠好睇之外,Tom Cruise所飾演的空軍飛行員Maverick於戲內的造型亦帶起太陽眼鏡及軍褸等等單品。相隔30多年後,近日電影公司就正式發放了電影續集《Top Gun:Maverick》Trailer,雖然套戲下年先會正式上映,但短短2分鐘左右Trailer已經甚有睇頭,因為「靚湯」、靚褸(G-1 Flight Jacket)、靚鏡(Ray-Ban Aviator)同靚車(Kawasaki GPZ900R)齊齊現身,相信好快又會掀起新一輪軍事熱潮。
要數電影中最常被大眾提及的就肯定係Maverick臉上嗰副 Ray-Ban Aviator太陽眼鏡,淚滴形鏡片輪廓是為配合飛行員需要佩戴氧氣面罩所設計,經典綠色鏡片亦有效阻擋紫外線並且不會影響清晰度,自1937年以來就被全球眾多空軍飛行員所選用,而美國空軍所佩戴的太陽眼鏡品牌則是Randolph Engineering,標榜美國製造,自1982年開始與美國空軍簽訂合約成為指定太陽眼鏡供應商,同樣以Aviator鏡架作主打,兩者最大分別是Randolph Engineering鏡臂採用直臂設計,增加佩戴時的穩定性。
除了太陽眼鏡成為大家追捧對象之外,於電影中被Tom Cruise所着用的G-1 Flight Jacket,於《Top Gun》上映後亦一直大受歡迎,誕生於40年代的G-1與較早推出的A-2同樣是空軍飛行員褸款,兩者同樣主要以馬革製作,要分辨兩者最容易就是G-1是採用毛領設計。於《Top Gun:Maverick》Trailer中仍然見到有呢件皮褸出現,而外國網友更發現新一套電影續集入面件G-1背部啲釘章有唔同,眼利嘅你又見唔見到有咩唔同?
30多年前,Tom Cruise揸住部Kawasaki GPZ900R電單車於戲中同F-14戰鬥機鬥快呢一幕相信好多人都記得,呢部作為Kawasaki「忍者」系列始祖的GPZ900R,當年憑着900cc DOHC 16V並列四缸引擎爆發出110ps馬力,極速超過240km/h已經相當驚人。話晒相隔30多年,所以新一套電影中「靚湯」就換咗架全球限量120輛、售價達US$30,000新車Kawasaki Ninja H2 Carbon,1,000cc DOHC直列四缸引擎配備Supercharger機械增壓,230ps馬力,極速超過300km/h,但對於一位揸開超音速戰機閒閒哋都過2,000km/h嘅空軍飛行員嚟講,呢啲邊算得係快,但載吓今集女主角Jennifer Connelly遊車河都叫勉強可以嘅。
東網網站 : https://on.cc/
東網Facebook專頁 : https://www.facebook.com/onccnews/