天后鄭秀文（Sammi）主演的電影《花椒之味》，適逢中秋節上映，首日票房榮登今年港產片開畫首日票房冠軍，雙喜臨門。
日前Sammi 帶埋戲中火鍋店小鮮肉伙計，飾演「蕃薯」麥子樂和「蘿蔔」盧鎮業，驚喜現身戲院謝票，觀眾突然見到Sammi，立即破涕為笑。有觀眾一湧而上將Sammi重重包圍，寸步難行。
Sammi非常振奮，更臨場充當司儀，訪問觀眾感想。其中一位男觀眾坦言邊看邊流淚，有一位女觀眾更聲淚俱說憶起爸爸離世時不在身邊，很多話未說。Sammi隨即拍拍觀眾肩膀安慰，說：「呢部電影就好似代你講出心裏面嘅說話，可以暖暖人心。希望大家都會帶着一份愛，對家人多一份理解，有說話都好好說。透過呢部電影，令大家心裏有更多嘅愛，同埋更多正能量。」
Sammi說：「呢部電影適合同屋企一齊睇，或者請家人嚟睇。電影中有好多值得反思嘅情節，無論咩事都好，對家人都要『有話好好說』。呢部電影好重要嘅訊息：原諒、寬恕、釋懷、放低。呢啲都係我哋人生最重要嘅課題，希望大家睇完電影，帶着一些反思、帶着一些愛回家，好好咁去愛身邊嘅屋企人！」
