《愛．回家之開心速遞》又派洋蔥！尋晚一集講到大龍生（羅樂林飾）入咗醫院，一班仔女真面目出晒嚟，話說大龍生腳甲倒生好嚴重，仲有個專用修甲師，但啱唔喺香港，班仔女冇一個肯幫大龍生剪，最後由同佢斷絕父女關係嘅大小姐（林淑敏飾）喬裝成「醫院姐姐」，幫佢剪腳甲，最愛佢嘅始終係大小姐！
之後畀人揭穿佢扮「醫院姐姐」，仲話佢為咗分身家先咁做，最令大小姐心痛嘅，係連大龍生都質疑佢！大小姐最後喺酒吧藉住趕走晒啲客，爆喊宣洩心中嘅委屈！
呢集出街之後，網友都大讚林淑敏好戲，佢爆喊嗰幾場戲，真係睇到人好心痛！林淑敏喺2018年拎過「最佳女配角」，佢咁好戲，絕對係實至名歸！
東網網站 : https://on.cc/
東網Facebook專頁 : https://www.facebook.com/onccnews/
