《包青天》畫面遭批似80年代水準 張振朗演展超被彈好唔掂

無綫劇集《包青天再起風雲》昨晚首播，劇集於新疆拍攝外景，網民都讚「沙漠外景好靚」、「認真過《回到三國》，起碼有駱駝」，但似乎是唯一好處。

有網民指「服裝、髮型、道具、色彩，80年代咁水準」、「個背景…好假囉，好似人哋80年代去影樓影相後面加張紙咁」，「睇慣《如懿傳》同《倚天屠龍記》靚人靚景靚畫面，睇呢套好頂唔順」。其實還有室內景打燈超醜，女演員白臉和包青天黑臉都呈現一撻撻不均勻；其中一場室內文戲景，鏡頭不停郁，睇到觀眾頭暈，是甚麼新穎拍攝手法呢？

演員方面，張振朗演展超，外形上不單連他初接這劇時自覺好笑，網民都話「好唔掂」，「譚仔（譚俊彥演包青天）騎馬都幾叻，全部親身上陣」、「但頭先睇展超上馬完全唔掂」、「未見過咁削展超」、「開封七子看上去最唔好打係佢，連曹永廉都大隻過佢。佢去保護貌似好抽得嘅包公實在可笑」等。

在 Instagram 查看這則帖子

動作戲係公司入面一向都係花鏡碎鏡。 但背後係有一份堅持🤘。 我明白Cut左唔緊要因為成套劇既節奏先係最重要。 有人會問點解唔用替身？我覺得如果我唔親身上陣的話我配唔起展昭呢個名。 墮馬我唔怕，受傷我唔怕，我只係怕自己唔肯去嘗試，因為一個演員就係要不斷去挑戰不可能的任務💪🏿。 多謝武術指導大師兄一番心機🙏同埋包大人既高超騎馬術🐎，仲有cam man 武俠陳振聲 #我係展昭 #我的演員生涯 #我的演員夢

張振朗（@owencheung）分享的帖子 於 PDT 2019 年 7月 月 22 日 8:54 上午 發佈