46歲黎瑞恩早前就浸大學生會會長方仲賢在深水埗鴨寮街購買觀星筆被捕一事，在私人Facebook發表意見，說：「為確證雷射筆之安全可靠，試吓射完佢雙眼，通過安全標準嘅話，要求警方要立即放人兼道歉！」之後被網民狂鬧「強詞奪理」，亦有人說她盲目撐警，也有人如早前譚詠麟粉絲一樣「啪」爛她的CD。黎瑞恩昨日就再出文，對自己發表的言論沒有後悔，但又好像想援和氣氛：「我唔係要大家跟我嘅聲音相同，大家可以有不同感受及意見，我係絕對接受，只係不希望再看到家人之間、朋友之間，互相傷害或反目。」
今次這篇文就在黎瑞恩的公開專頁中上載，和上次在私人Facebook只有朋友看到不一樣。她說：「呢段時間香港發生好多事，唔單止社會出現咗好多分裂聲音，喺我呢度亦出現咗好多意見不同嘅朋友，有唾罵我嘅，甚至咀咒我嘅，我係完全不畏懼亦不會畏縮。但我好感恩有好多大家睇法唔聲音唔一致嘅Fans及朋友，雖然大家所感受嘅嘢完全背道而馳，大家理論嘅時候還是好努力保護及維護我，我係好感動，好想多謝一直真正愛錫及了解我嘅歌迷及朋友。我唔係要大家跟我嘅聲音相同，大家可以有不同感受及意見，我係絕對接受，只係不希望再看到家人之間、朋友之間，互相傷害或反目。大家同坐一條船，都希望風平浪靜，我相信任何聲音嘅朋友都係想香港好，都係為咗守護下一代嘅未來，希望大家可以理性爭取及表達，反對暴力，及對警署、社會設施嘅破壞，我會繼續努力做好本份及工作，希望香港也一齊加油！」唔知粉絲們又同不同意？
