黃翠如今天38歲生日,與丈夫蕭正楠約齊大班朋友如唐詩詠、C君與未婚妻黃天頤、陸永、曹永廉等在林盛斌(阿Bob)屋企慶祝,眾人更齊齊在生日蛋糕面前許願兼吹蠟燭,非常搞笑﹗翠如留言︰「人日,祝大家願望成真❤️。」
C君、黃天頤、唐詩詠也有在社交平台上載照片及吹蠟燭片段。C君說︰「脆魚生日快樂﹗阿bob屋企大過地球,九個工人,影相呢度只係佢廚房一角,仲請埋管家添。除咗Bruce Wayne之外,佢係我唯一認識有管家嘅人。」黃天頤則說︰「魚,生快!祝永遠掛著(着)幸福笑容!#多謝bob爺bob嫂款待 #屋企大到開演唱會」
不過,生日會的亮點不是主角黃翠如,而是唐詩詠與前度洪永城及緋聞男友馬國明同場現身。唐詩詠與洪永城再見亦是朋友,分手後曾一同出席朋友活動。大合照時,唐詩詠與洪永城保持距離,即使齊齊用手機影蛋糕時,中間也隔住C君,反而馬國明與洪永城這對緋聞情敵就經常企埋一齊,馬國明大合照時更搭着洪永城的膊頭。
(即時娛樂)