近日武漢肺炎群虐，令市民人心惶惶，對於所有關於「疫情」的話題都變得敏感。而無綫男主持陸浩明（6號）日前就口快快在節目《後生仔傾吓偈》中誤說「香港是SARS的源頭」，即時引來網民怒插，更衝入他的社交平台留言指罵。雖然6號事後已極速在網上道歉，昨日亦公開認錯，但網民怒火依然未能平息。眼見拍檔被網民連日指責，同是節目主持之一的麥明詩剛剛就在個人Facebook打了大篇長文撐6號，更以「別太鞭尸」作為主題。
麥明詩一開頭就表示：「Ben sir話齋，唔講嘢冇人話我啞；我亦都知道我講嘢對我冇任何好處，但或許我現在比較少顧慮，正所謂「官到無求膽自大」#曲，所以忍唔住講多句：真係希望大家可以把槍口對翻准啱嘅位置。」之後就提到一月尾，香港大學醫學院院長、公共衛生學院講座教授梁卓偉因為一句「戴口罩講唔到嘢」而受到指罵，其後大家都忽略他出來宣佈以模型分析預估已有4.4萬人感染，又指：「其實佢冇必要出來講一個同正式公佈確診數目差咁遠嘅數字（嗰時正式公布確診不夠1萬），佢之前嘅口罩論的確係誤導到大眾，但佢隨即道歉，且繼續出黎分享一啲或許並非緊貼官方口吻嘅報告，我覺得起碼算係(比較)有承擔，係咪要chur住佢唔放呢。」
麥明詩又大讚6號一直很照顧後輩，有幾次自己跟馮盈盈出大騷出錯對方都會幫她們補鑊，不過就強調「講到良知嘅時候唔可以被私人感情左右；佢呢一次佢固然係大錯特錯，但佢緊接講錯嗰句之後，佢係話『係因為有個廣州人喺內地食…』然後yy話『係佛山』；資料都未必係啱，但係可見應該係一個口誤，佢當時應該係知道由內地傳落黎。當然，呢個口誤好嚴重、佢責無旁貸；而陸浩亦即刻出黎道歉。大家可能對於佢同某些其他前輩嘅關係而有所意見，比較圓滑係佢做人處事嘅方式，但係佢點都係一個試過喺《後生仔》大嗌『唔好搞我後面』、一直專注香港市場、專注做廣東話節目嘅主持。」
最後麥明詩更表示陸浩明是做錯，自己之前未看清楚影片就評論亦錯，剪接組沒修正是錯，字幕組照配字幕是錯… 但希望大家關注這件事後，可以將關注放在那些真正黑心、不道德、埋沒良知的人上面。
