熱播劇《大醬園》嚟到結局篇，吳業坤、江嘉敏同黃嘉樂嘅三角關係終於搞清楚，吳業坤簽字離婚成全江嘉敏同黃嘉樂呢一對，正當以為佢又係單身完場時，佢喺社交網上載片段公開咗一條隱藏嘅感情線，竟然係佢同專員袁文傑嘅HeHe戀！
吳業坤留言：「其實大醬園仲有條感情線，因為雙雙又派好人卡，小滿又比楓少娶咗，細么又淨係利用我娥姐又嫌棄我，我就轉投專員懷抱。」條片見到佢同袁文傑情深嘴對嘴，愈哄愈埋之餘仲嘟長個嘴，最終吳業坤忍唔住笑就咁停咗，雖然條片純粹搞笑，但係袁文傑成程認真到爆完全冇笑過，有網民留言問：「點解你可以唔笑咁勁！」袁文傑親自回覆話：「投入呀！」唔少人話吳業坤嘅下場一定好慘，因為細么嘅性格咁狠毒一定唔會放過佢。
東網網站 : https://on.cc/
東網Facebook專頁 : https://www.facebook.com/onccnews/
