請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

娛樂

陳豪、張兆輝無懼病毒武漢登台 李佳芯聞言即搞笑扮驚擰歪面

東方新地

更新於 2020年01月21日20:03 • 發布於 2020年01月20日09:03

為咗賺錢,有時真係可以去到好盡,好似早前陳豪、張兆輝就曾經勇者無懼,去到武漢登台,陳豪仲帶埋媽媽去當地。陳豪自爆自己從「疫區」武漢工作回港後,就直接出席TVB直播節目《慈善星輝仁濟夜》,李佳芯(Ali)聞言表示怕怕,仲搞笑叫陳豪「唔好搞我啦」!

撰文:東方新地 圖片:東方新地、bigbigchannel 截圖

陳豪搵命搏偕母北上到武漢登台

好老公好爸爸陳豪為咗賺家,早前帶同母親到武漢登台,回港後更即時出席其他活動。育有三名子女嘅佢表示而家正接受「自我隔離」中,仲表示喺武漢期間除咗登台,就只有去過酒店同機場,連落街食飯都唔敢,登台期間仲要求取消握手環節,做足安全措施,相信好安全。

陳豪表示當日取消咗握手環節,減少接觸。
陳豪表示當日取消咗握手環節,減少接觸。
陳豪帶同媽媽去武漢登台,然後在酒店餐廳同媽媽慶祝生日。
陳豪帶同媽媽去武漢登台,然後在酒店餐廳同媽媽慶祝生日。

同場嘅李佳芯(Ali)聽佢接受訪問時先知道陳豪曾經去武漢,即刻搞笑話:「等陣我企佢隔籬喎,如果佢有頭暈 ,我就幫佢頂一頂啦。」咁啱陳豪行過,Ali即扮驚擰歪面,又叫陳豪:「唔好搞我啦,今天我做慈善!」,場勁搞笑!

陳豪日前參與《慈善星輝仁濟夜》演出,提到早前到武漢登台,他表示:「基本上淨係去舞台表演,其他時間都喺酒店房,冇去過其他地方,返到屋企都有消毒乾淨先抱個女。」
陳豪日前參與《慈善星輝仁濟夜》演出,提到早前到武漢登台,他表示:「基本上淨係去舞台表演,其他時間都喺酒店房,冇去過其他地方,返到屋企都有消毒乾淨先抱個女。」
李佳芯透露早前趁放假去了旅行,但未有與男友陳炳銓同行:「我有約朋友,而且佢本身都忙,唔知點解大家成日忙嘅時間都唔同。」
李佳芯透露早前趁放假去了旅行,但未有與男友陳炳銓同行:「我有約朋友,而且佢本身都忙,唔知點解大家成日忙嘅時間都唔同。」

張兆輝做足安全措施 叫大家記得戴口罩

另外,張兆輝早前亦都帶同太太去武漢登台,佢表示唔係搵命搏,只係一般工作,亦都表示有做好安全措施,帶咗大量口罩前往。佢仲話去到武漢市面環境一切平靜,唔覺得衛生情況有咩問題,不過亦都有提到喺當地搭飛機接駁巴士時,前面有女士喺無戴口罩嘅情況下打咗十幾個噴嚏。點都好,大家呢排出入都要小心啲啊!

張兆輝在新劇《黃金有罪》飾演股壇大鱷,但他表示在現實中,曾因炒股票而蝕了多達六位數的錢:「輸咗 個首期,不過輸都好,經一事長一智!」
張兆輝在新劇《黃金有罪》飾演股壇大鱷,但他表示在現實中,曾因炒股票而蝕了多達六位數的錢:「輸咗 個首期,不過輸都好,經一事長一智!」
輝哥在宴會上唱了《中國人》及《成都》兩首歌,唱完到餐廳吃飯時剛好遇見陳豪為媽咪慶祝生日,他也祝伯母生日快樂。
輝哥在宴會上唱了《中國人》及《成都》兩首歌,唱完到餐廳吃飯時剛好遇見陳豪為媽咪慶祝生日,他也祝伯母生日快樂。
張兆輝表示已到年尾收爐,現時除了為劇集《黃金有罪》宣傳外,要到3月才有新工作,亦暫時未有去武漢工作的計劃。
張兆輝表示已到年尾收爐,現時除了為劇集《黃金有罪》宣傳外,要到3月才有新工作,亦暫時未有去武漢工作的計劃。
0 0
reaction icon 0
reaction icon 0
reaction icon 0
reaction icon 0
reaction icon 0
reaction icon 0