過去甚少評論政事的藝人鄭裕玲(Do 姐)今天在商台節目《口水多過浪花》開咪時語帶哽咽,指自己為香港近日發生的事感到「好心痛」,認為要珍惜香港這個家、年輕人及學生。(節目聲帶)
鄭裕玲剛完成拍攝 TVB 《Do 姐晚間看地球》外景回港,她在節目開始時提到,離港期間收到很多關於香港的消息,「我都睇到好多好心痛嘅場面,尤其是我哋香港嘅學生、年輕人。」
鄭裕玲提到,「兩個禮拜其實我哋去咗好多地方,要坐好多車、好多飛機。但係最後嘅一程,就係我哋最盼望嘅一程。因為係飛返香港,香港係我哋嘅屋企嚟。」
鄭裕玲又表示,「屋企就係最緊要嘅」,自己或許隨年歲增長變得情緒化,「我哋要珍惜呢個屋企,尤其係我哋嘅年輕人,同埋學生。我好希望香港可以好快回復番平靜啦,我地和平相處嗰個狀態。」她最後指,希望能盡自己的一份責任,《口水多過浪花》是一個娛幾的節目,在節目中讓大家稍為放鬆,「我係一個娛樂人,喺一個咁繃緊嘅狀況之下,我覺得我應該做返我嘅責任。」
守護言論與新聞自由。立場新聞,寸步不退。
每月贊助支持立場新聞