請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

娛樂

鄭敬基親身見證理大示威衝突 望國際醫療組織介入救傷者

明報

更新於 2019年11月18日12:30 • 發布於 2019年11月18日10:26
鄭敬基(中圖)在現場見證家長們想跟在理大內的子女見一面,並在網上呼籲國際救援組織能夠介入。(艾博瑜攝/鄭敬基Instagram圖片/明報製圖)
鄭敬基(中圖)在現場見證家長們想跟在理大內的子女見一面,並在網上呼籲國際救援組織能夠介入。(艾博瑜攝/鄭敬基Instagram圖片/明報製圖)

示威者與警方連日來在理工大學持續發生衝突,今日不少家長去到理大附近範圍,擔心子女的安全問題,並希望警方讓他們入內與子女見一面。藝人鄭敬基剛巧在現場出現,原來他打算以「見證者」身分,親身見證這一幕歷史時刻,好讓日後將事實公諸於世。

鄭敬基透過話音短訊回覆《明報》,他說:「我已經離開咗(現場),頭先第一次放催淚彈時,現場比較有經驗嗰啲人話畀我聽,呢個位唔安全,你快啲走啦,你又只得個口罩,隨時『速龍』會衝出嚟捉人,今朝都有人提過。我就行咗未夠10秒,跟住就有人衝出嚟,喺後面掟催淚彈,跟住有成百幾、二百人同時間走。依家自己能夠做嘅嘢,只有體察一下、見證一下,我已經返咗屋企,沖洗咗啲催淚煙。」

提到有位女士在現場哭訴,鄭敬基說:「我剛巧在好後面,見到她好傷心嗌咗好耐,朋友及社工陪住她,睇吓附近有冇朋友親人支援她。我都覺得她好勇敢,知道子女在入面的時候,我們可以做些什麼呢?只可做個見證者,講番畀人聽,希望多些國際組織可以介入,以人道立場進入去,香港連自己的醫護也不准進入,可不可以畀紅十字會、宣明會、Save The Children、無國界醫生等介入呢?這些我們香港人都聽過,就算戰亂地方都可以入去救人,會停火的,唔通香港有例外,這是否一個罪行呢?」

(即時娛樂)

0 0
reaction icon 0
reaction icon 0
reaction icon 0
reaction icon 0
reaction icon 0
reaction icon 0