新冠肺炎疫情肆虐，除咗留喺屋企「避炎」外，唔少人都會選擇遠離人煙，上山呼吸一下新鮮空氣。呢日藝人余香凝（Jennifer）就喺社交網晒出行山相，見佢以運動Bra Top配貼身運動長褲上陣，輕晒線頭兼大騷纖腰，相當有睇頭。上到山頂嘅佢仲坐喺欄杆位拍照，紀念一下戰績，佢留言：「好有成功感呀！無限天梯，運動凝。」
藝人湯怡亦孖住好友張惠雅（Regen）行山，見佢哋都喺岩石邊拍攝高難度動作照，望落相當牙煙，就連好友曾樂彤都忍唔住留言：「小心啊！」湯怡又大爆Regen原本唔想上山，但見好友不惜喺山上乾曬兩個鐘等待，終被誠意打動，行上山頂會合佢哋。藝人車婉婉亦帶囝囝BBQ登山，BBQ去到溪澗時仲落水捉魚，玩到成身濕晒，非常開心。
東網網站 : https://on.cc/
東網Facebook專頁 : https://www.facebook.com/onccnews/
