恭喜！ 現年46歲的蔡少芬（Ada）今年6月宣布懷第三胎，老公張晉今日（19日）在微博報喜，表示日前Ada已順利產子。
張晉分享溫馨家庭照及寶寶的小手照，並開心寫道：「11月15日，母子平安，歡迎張樂兒來到張家，我們平安回家啦！」見以素顏上鏡的Ada精神不錯，而二姊信兒則溫柔地抱着弟弟，一家五口幸福滿溢！
Ada亦回應說：「BB重8磅2安士，好健康，老公有跟埋入產房剪臍帶，好照顧我。 一開始好驚，又要重新學習湊BB，但一見到BB嘅時候就好感動同眼濕濕。好感恩又好興奮，多謝上天比左一個寶貴嘅產業我。兩個家姐都已經大個女，所以好錫個細佬，樂兒黎到呢個家庭會好幸福，有個好愛佢嘅爸爸媽媽同家姐。其實6年前已經封左肚，今次係一個感恩嘅意外，就算生多左個都唔會減產，大家記得有工作就要搵我啦！」
不少網民紛紛留言祝賀二人，「喜獲麟兒，可喜可賀！」、「恭喜晉哥、恭喜娘娘兒女雙全」。
圖片來源： 張晉、蔡少芬@微博
