受新冠肺炎疫情影響，不少藝人都表示幕前工作大減，就連一向多Job的林盛斌（Bob）都苦呻零收入！早前傳約滿離巢的胡定欣，近月都未見有新作品，只見她不時於社交網上載行山、做Gym照，間中又會分享下攬錫契仔、胡杏兒細仔Ryan照，而今日，定欣則貼出抱抱「新歡」照，她留言寫道：「呢段時間無工開無收入、我好難得先搵到份Part time『陪月』，不過呢份工唔會有收入，只有付出無限耐性同愛心。由於時間關係，好開心好開心，我已經榮升……『大姑媽』！恭喜胡家又多一名新成員，恭喜細佬弟婦，祝胡B身體健康，肥肥白白，快高長大。」
