根據非正式統計,一踏入12月,無分國界所有人嘅食慾都會大增!聖誕月最能帶動節日氣氛嘅食物,莫過於火雞!雖然仲有十多日先到平安夜,但唔少餐廳已經有供應啦!話晒都到左今年最後一個月,緊係要食到最後一日,減肥嘅事,下年再努力啦!
今個月Yamm 誠意推出3重自助餐推廣,由月頭食到尾,食住踏入2020年!未到平安夜都可以率先品嚐香烤牛助骨及釀滿芳香栗子嘅節日火雞,蘸上金巴利汁超級美味!另外海鮮類食物方面,有無限供應即開新鮮日本生蠔,隻隻新鮮肥美!小編已經諗好要大擦生蠔,食到回本!!
主廚將於午宴及晚宴呈獻最惹人垂涎嘅烤肉;而晚宴亦加推一系列節日饌嚐為滋味昇華,包括赤蝦及北海道帆立貝刺身、香煎鴨肝伴焦糖蘋果、鮮味海膽豆腐及即開日本新鮮生蠔!
12月份特別日子,由平安夜去到boxing day,一連三日亦有驚喜!「奇妙聖誕節慶自助餐」陪你過佳節!話晒係喜慶節日,唔洗多講,傳統聖誕火雞當然都走唔甩!
仲有大把精緻甜品任你揀,包括榛子夾心樹頭蛋糕等精緻節日限定甜點!熟食方面有新鮮冰鎮波士頓龍蝦、燕窩龍蝦湯、太平洋吞拿魚及冰鎮鱈場蟹腳,海鮮愛好者不容錯過!
唔少人都鍾意聖誕節帶埋一家大細食自助餐慶祝,除咗食物方面帶來驚喜,Yamm仲為大朋友同小朋友準備特別節目!喺平安夜及聖誕節當日,特別嘉賓聖誕老人會探訪Yamm,到晚上更會有聖誕合唱團表演,同大家過一個暖到入心嘅聖誕!
到今年最後一日,當然需要係美食嘅懷抱中度過啦!「除夕自助饗宴倒數派對」為新一年打響頭炮,同你一齊迎接美好嘅新一年!
惹人垂涎嘅佳節烤肉包括香烤牛肋骨、太平洋吞拿魚刺身、冰鎮波士頓龍蝦,每位食客更可尊享原隻香菇蠔汁燜鮑魚!
想收到更加多餐廳優惠資訊?請追蹤我哋facebook page 主頁:https://www.facebook.com/OKiBookHK/YOUTUBE:https://www.youtube.com/channel/UCFshjv5Y2JRjVVDay3Mnp0g (細細聲話你聽:好多餐廳近排都推廣緊優惠阿!)