自從火熱宮鬥劇《延禧攻略》播出後，藝人佘詩曼喺內地嘅人氣爆升，尋日佢喺上海出席活動，着住印花連身裙優雅現身，全程笑容不斷大晒親民，不過細心啲睇發現，佢心口明顯有一大撻紅印，範圍大到連頸部都有，情況非常嚴重！
活動先喺室內舉行，見阿佘分別攞住兩個蛋糕影相，應該係大會提早為本月28日生日嘅佢慶生，當時阿佘心口未有紅印，但係去到露天地方時，唔知係天氣太熱定係受到乜嘢刺激，疑似皮膚敏感出紅疹，仲愈嚟愈大撻，真係睇見都覺得痕，不過佢完全冇理過，面上一直都係掛住笑容，表現非常專業！
東網網站 : https://on.cc/
東網Facebook專頁 : https://www.facebook.com/onccnews/
