𡃁模出身嘅謝芷蕙（Cammi）自出道以來，好似識變魔術咁，個樣真係完全唔同晒！而早前佢透露同內地男友分手後，仲愈來愈富貴，繼之前飛到法國旅行之後，今次佢孖住好姊妹胡淽喬一齊飛到美國旅行！
Cammi同胡淽喬兩位齊齊搭私人飛機去旅行，而Cammi人在異地嚟個大解放，仲不時大騷「事業線」同長腿，除咗影靚相，梗係唔少得食番個龍蝦做早餐，仲要去名店掃貨，咁樣去旅行真係令唔少網友話好羨慕！
咁都未夠，兩位仲要坐名貴房車去音樂節睇騷，仲要手執香檳兼大騷名牌衫，難怪佢話唔使要男人一樣咁開心，單身都可以活得很快樂：「如果一個女人甚麼事都自己來，那要你幹嘛，根本不需要男人了。」
東網網站 : https://on.cc/
東網Facebook專頁 : https://www.facebook.com/onccnews/
