模特兒吳慧心（Saffie）近日與母親一齊到峇里旅行，在當地上瑜伽及冥想課程，展開治愈身心靈之旅。Saffie以多套泳衣上陣，大騷健美身材。她表示：「因為我之前一直喺澳洲讀書同長大，同媽咪相處嘅時間比較少，今次希望進一步建立母女關係之外，亦想以靜修嘅旅行方式達到健康同養生。」Saffie本身是瑜伽教練，母親亦一直有做瑜伽及冥想，但兩女母一齊上堂還是首次，Saffie坦言大感親切：「我有參加一對一瑜伽課程，想針對之前交通意外受傷嘅膊頭同脊柱作紓緩同拉筋。」
Saffie今次選擇了峇里兩個截然不同的地方旅行及住宿:「一個係位於峇里東部，入住嘅resort可以望住個大海，每朝望住個海，睇住太陽慢慢升起，整個人都好平靜，覺得好治愈。另一個係北部，我哋住喺山上，見到整個森林，感覺充滿大自然氣息。」Saffie自言去完峇里後，感覺整個人放慢了腳步:「喺大自然生活咗幾日，身心靈回恢自然同平靜，今年充滿力量去接受挑戰，希望之後可以去其他地方感受大自然。」
東網網站 : https://on.cc/
東網Facebook專頁 : https://www.facebook.com/onccnews/
