藝人孫慧雪在將軍澳電視城為新劇《踩過界II》試造型，問以鬆身衫示人的她，是否在疫情下成功再「造人」？她說：「唔係，件衫問題啫，疫境下唔會啦，呢排都係喺屋企睇電視煲劇、煮嘢食。」她於劇中飾演緬甸人，原本要為劇集到緬甸拍攝外景，但因疫情取消，劇集改為在大澳取景，她說：「原本以為喺香港拍唔使離開屋企，但係劇組話要喺大澳過夜，唔係就可能要凌晨兩點出門口開工。」
她謂因取消緬甸外景改了劇情要重新刨劇本：「冇所謂，呢兩個禮拜喺屋企咁悶，都冇嘢做，每日都係同個仔玩，同埋煮嘢畀佢食，冇嘢做搞到夜晚失眠。」她又自言廚藝不錯，不過若老公對她不好，則會以「地獄食譜」招呼他。
講到政府「派糖」一萬元怎樣使用？她說：「儲起佢，之前買成家人、同屋企人嘅抗疫用品，都用咗呢個數。」她又指早前市面瘋搶廁紙期間，他們一家人患上腸胃炎，也要四出撲廁紙，她說：「真係試過去藥房排隊，到我哋就啱啱賣晒，好激氣以後都唔再幫襯。」
東網網站 : https://on.cc/
東網Facebook專頁 : https://www.facebook.com/onccnews/
