36歲大陸男星胡歌不嬲「型英帥靚正」，最近出席康城影展嘅佢，一身筆挺西裝，簡直型到跌渣！不過男神都會跳掣，佢竟然喺社交網甫咗張勁醜樣嘅食雪糕自拍相，相中嘅佢臉容扭曲，成面鬚渣，被網友話佢似樣衰版李光洙之餘，有7萬多名網友更聯署留言：「求你刪掉！」不過呢，胡歌性感向來率性，過去曾晒自己被門夾到嘅搞笑自拍，原來今次並非佢第一次自毀形象喇！
另外，佢喺康城接受內地傳媒訪問，對於有份主演今年康城唯一參賽嘅華語片《南方車站的聚會》，佢透露拍攝過程中，自己刻意同其他演員保持距離，更故意將自己孤立起來：「這個狀態有助於令我保持於角色裏面，但對我來說亦是很煎熬的一件事情。」
東網網站 : https://on.cc/
東網Facebook專頁 : https://www.facebook.com/onccnews/
