「呢個表面上係一個風筒，但係呢度有一層白金屬網膜，事實上，佢係一個鬚刨。」發現日本Kaldi Coffee Farm新推出的懷舊卡式機、懷舊Leica相機、急救箱以及透明積木玩具的真身是朱古力糖盒之後，相信唔少人都會諗起《國產凌凌漆》這句經典對白。
整個系列共有4款，造型特別的鐵盒內裝有卡式機按鍵包裝、菲林包裝、急救包包裝的朱古力，充滿懷舊風味。當中最特別要數卡式機及相機兩款，卡式帶及菲林位置可以拉開，像真度頗高，食完朱古力後鐵盒可留作紀念，啱晒女生在情人節表心意。
講開情人節送朱古力的習慣，原來日本女生送朱古力也有「義理朱古力」及「本命朱古力」兩種。「義理朱古力」是大包圍送給所有人，至於「本命朱古力」則是向意中人表白的心機之作，通常會自家製作以示誠意。不過就算是「義理朱古力」，男生們收到女神派發的「軍餉」應該都會開心到瞓唔着。
網址：https://www.kaldi.co.jp
東網網站 : https://on.cc/
東網Facebook專頁 : https://www.facebook.com/onccnews/
