藝人王敏奕（Venus）現身黃竹坑為ViuTV新劇《MeToo》開工，甫受訪見她消瘦不少，一問之下她自爆瘦了10磅：「今個月同時拍劇又拍戲。（男友曾國祥好心痛？）佢戥我開心，忙係好事，佢依家都準備緊自己套電影好忙，佢都有成個月唔喺香港，靠FaceTime聯絡。」
講到新劇以性騷擾為題材，問到拍攝激烈場口前有同男友備案？她笑言男友有大呻未有將實情告知：「佢唔知去到咁激，問我點解冇講過會畀人搞！（呷醋？投訴？）咁又唔係，覺得佢好得意，但劇本寫咗咁，我係要同對手多啲溝通而唔係佢。（講咗有激烈場面會唔畀你拍？）唔會，佢身為導演，都唔會禁止演員拍攝。同埋導演、劇組都好錫我，拍到啲畀人性騷擾嘅鏡頭，如果唔舒服都會準備好多安全措施。」最激烈是那一場戲？Venus透露是被梁漢文強暴，問到劇集出街會否禁止男友睇？她笑謂：「想睇可以睇，佢都係導演，相信佢會抱住專業嘅角度睇，電視劇尺度都唔會太大。」
東網網站 : https://on.cc/
東網Facebook專頁 : https://www.facebook.com/onccnews/
