蘇永康近日接受港台《舊日的足跡》車淑梅訪問，談到許志安（安仔）與黃心穎爆出「安心事件」，蘇永康曾表示希望安仔與太太鄭秀文（Sammi）可以拖手走過這一關，結果給他猜中。蘇永康表示：「Sammi好快應了我，安仔是個需要沉澱的人。安仔後來同我們（Big Four）講對唔住，我話『你傻㗎？，2002年我最低潮嘅時候，每朝早8點你帶住滑板搵我去滑水，當年安康演唱會因為我嘅事拖慢咗票房，你對我不離不棄，而家點可以講呢啲。』我們是30幾年的朋友，我當然對他們有信心。的確，這件事是女士難接受，但他們有信仰，一定會過到。9月安仔取消了演唱會，其實他都需要休息，至於Sammi一定會好勇敢、好專業咁演出。Show must go on！」
車淑梅開玩笑問蘇永康會否請安仔及Sammi來欣賞他今個月紅館演唱會時，蘇永康即大笑說：「如果我真的請他們，他們又肯來，大家是睇他們還是睇我呢？」
（即時娛樂）
