日文「勝負下着」又被稱為「決勝內衣」，相傳日本女性跟心儀異性約會時，為咗同自己打氣兼且可以畀到對方更佳嘅印象，都會挑選一套心水內衣應約。之但係現實又係咪咁呢？日本早前有綜藝節目針對決勝內衣進行調查，發現結果同傳聞有啲分別，事關根據節目調查顯示，只得31.7%嘅女士，表示會為咗異性而準備決勝內衣，反而有51%女士表示準備決勝內衣嘅原因係同異性交往無關，例如有受訪女士稱喺拜訪第一次見面嘅客戶時，佢會穿着藍色嘅內衣，因為能令心情變得安定；有女士稱喺重要考試時，會穿着紅色嘅內衣；有女士則稱睇棒球時為支持愛隊，會穿着決勝內衣睇比賽，亦有從事風俗業嘅女士稱着金色內衣會令自己更有幹勁。綜合以上情況，決勝內衣應叫做動力內衣至啱。
東網網站 : https://on.cc/
東網Facebook專頁 : https://www.facebook.com/onccnews/
