藝人林珊珊大女李澄（西瓜）同電台男友傑傑拍拖多年，不過今朝森美喺電台節目爆料，指兩人喺上年已經分手，嚇得同場拍檔小儀及Marco都好震驚！
節目中請來堪輿學家講鼠年運程，師傅講到屬兔時，小儀就話得離開咗電台嘅西瓜係呢個生肖，言談間森美就大爆「分訊」，師傅仲話兩人上年唔結就會分！
兩人分手有迹可尋，以往不時喺社交網晒合照，但已經不復見。西瓜最近一次上載合照已經係2019年6月，9月時曾發文：「喜歡、相信，便堂堂正正的去追啊！有很難嗎？⋯⋯原來有的。別怪他，因為，誰都會這樣，包括你。面對真實的自己不是每個人都會的。」但兩人都未有刪走蜜照。
喺西瓜離開電台前，兩人喺森美嘅節目共事，可為日對夜對，唔少聽眾都知道佢哋拍拖，仲睇好佢哋結婚，而傑傑亦已經一早融入西瓜屋企，見晒家長，點知竟然情已逝……
東網網站 : https://on.cc/
東網Facebook專頁 : https://www.facebook.com/onccnews/
