請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

娛樂

森美《早霸王》開咪泣不成聲!黃秋生問警察良知

娛樂 on LINE

發布於 2019年07月22日05:52 • 機
99df9796-c577-495b-bb41-a1a831b187c8.jpeg
不少藝人就元朗暴力事件發聲,包括森美和黃秋生。

昨晚元朗港鐵站發生白衫人入車廂追打黑衫人,不少藝人及亦在社交網絡發聲,而曾經住在元朗區的森美,今早在《早霸王》節目泣不成聲,「今日的節目,請原諒我的不專業,我唔可以做返平時嘅環節,我心裡面有種擔憂,(森美開始飲泣)對於我哋嘅香港,我有好大嘅憂慮,我開始有少少唔明白究竟每個人嘅身份應該做啲乜嘢,先能夠令香港變返香港,我希望香港每一個都努力。」接着節目播出陳慧敏首《沉默之間》。

2abbb7b6-da4a-4230-a47e-72f1fabe0dbb.jpg
森美今日將昨晚的貼相轉黑白。
e897906a-d10f-4ba5-8764-54af79e9a4c4.jpg
貼文寫道不知道應當做什麼,香港才會是香港:「迷惘 擔心 恐懼 不知所措」。

播完歌後,森美再向聽眾致歉:「喺我哋嘅生活當中都需要一個好安定嘅社會,先可以正常生活,喺今日個節目當中,可能我嘅情緒唔係太穩定,同大家講聲唔好意思,呢個情況之下希望盡量用唔同嘅音樂播俾大家聽,減少對大家嘅影響。」森美今早亦在社交平台貼文:「元朗 香港 到了昨晚 不一樣了 我應當做什麼? 香港才會是香港 我迷惘 擔心 恐懼 不知所措 應該不止我 你也和我一樣吧!」

813d1ce5-9c82-4679-8558-8ea489431811.jpg
黃秋生昨晚在社交網貼文:「警察請問良知?」

而一向敢言的黃秋生,昨晚在社交網貼文:「警察請問良知?」不少網民都留言「0」。秋生以短訊回覆傳媒:「黑社會管轄嘅地方,冇警察嘅地方,冇王管嘅地方,無政府嘅地方。我係唔會去嘅。不過今次,黑社會證明佢哋嘅力量大過政府。好快就收佢皮。有乜可以大過國家嘅力量?你地方獨立呀?佢哋有地方武裝。死得!元朗獨立。元朗黑社會今次乞人憎。除非佢地真係自治元朗啦。政府想收你丁權好耐,今次啱哂。元朗抗日,想唔到今日咁契弟,打自己人。」

撰文:機

0 0
reaction icon 0
reaction icon 0
reaction icon 0
reaction icon 0
reaction icon 0
reaction icon 0