藝人林峯日前帶女友張馨月出席劇集《使徒行者3》煞科宴,兩個成晚滿場飛,又一齊切蛋糕慶祝林峯40歲生日,十足預演婚禮。作為準林太嘅張馨月,今日喺網上晒出愛巢照,大讚係佢理想的家,見到有個櫃放滿唔同零食,盡顯佢「吃貨」一面,而聖誕將近,佢亦安置咗一棟聖誕樹,為家中增添聖誕氣氛,張馨月留言:「終於有點溫馨的感覺了,心目中家的樣子,家裏的小天地,影音室裝扮中。」唔少網民都話呢個家認真Warm,相信林峯一定會「愛回家」。
東網網站 : https://on.cc/
東網Facebook專頁 : https://www.facebook.com/onccnews/