請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

娛樂

東方日報C1:歐陽巧瑩《金宵》告別去生仔

on.cc 東網

更新於 2019年10月22日19:43 • 發布於 2019年10月22日19:43 • on.cc 東網
歐陽巧瑩暴肥20磅!唔通有咗?
歐陽巧瑩暴肥20磅!唔通有咗?
林師傑完全支持歐陽巧瑩的決定!
林師傑完全支持歐陽巧瑩的決定!
穿高踭鞋的歐陽巧瑩以手摸肚。
穿高踭鞋的歐陽巧瑩以手摸肚。
歐陽巧瑩肚凸凸出席活動,成個人肥咗20磅!
歐陽巧瑩肚凸凸出席活動,成個人肥咗20磅!
歐陽巧瑩一直Keep住靚Body,笑言引退後就冇咁大壓力!
歐陽巧瑩一直Keep住靚Body,笑言引退後就冇咁大壓力!
歐陽巧瑩(左)與陳凱琳( 右)是2013年同屆港姐。
歐陽巧瑩(左)與陳凱琳( 右)是2013年同屆港姐。
在《 金宵大廈》中演網紅的歐陽巧瑩,未料是在無綫最後一劇。
在《 金宵大廈》中演網紅的歐陽巧瑩,未料是在無綫最後一劇。
歐陽巧瑩蜜月晒月光!
歐陽巧瑩蜜月晒月光!
應屆港姐黃嘉雯(中)、王菲(左)及古佩玲開到口話有興趣拍劇。
應屆港姐黃嘉雯(中)、王菲(左)及古佩玲開到口話有興趣拍劇。

無綫咪神歐陽巧瑩近期於神劇《金宵大廈》飾演網紅大騷34C身材,人氣急升,未料原來是她的告別作!昨日她「封咪」出席活動,驚見脹爆20磅,咪神變「肥瑩」!肚凸凸的她雖否認有孕,但直言將退出幕前專心造人,更豪言:「生得幾多得幾多!」

將滿27歲的無綫藝人歐陽巧瑩(Tammy),憑《3日2夜》大晒34C身材彈出成為咪神,直至早前熱播的《金宵大廈》在單元《洞》飾演網紅「Baby Mia」,大騷事業線成為網民熱話。

身材走樣周身肥膏

去年11月,Tammy與拍拖4年的林師傑舉行婚禮,自此火辣身材開始走樣,昨日她到將軍澳宣傳明珠台台慶節目,赫見她暴脹兩個碼、驚現師奶身形,更肚凸凸惹來懷孕傳聞!事後她接受訪問,記者連聲恭喜,她卻說:「唔使住,真係未有,我呢啲係肥膏,幸福脂肪呀!我之前因為腸胃炎入過醫院,冇事喇!」但又直言想盡快做媽媽,更獲不少圈中人包括林盛斌傳授秘方:「教我想生咩性別就用咩姿勢,老公偏向想生女。」Tammy更坦言會「生到30歲」,形容「生得幾多得幾多」!

《金宵大廈》最後一劇

明年Tammy就約滿無綫,她指現階段最重要的「事業」是建立家庭,因此完約後不打算繼續幕前工作:「其實結婚之後我只係第二次出嚟見人,《金宵大廈》係我最後一套劇喇!依家我足足肥咗20磅。(唔減磅?)做乜要減?做幕前好大壓力,要Keep Fit、曬到成身古銅色準備隨時投入工作,依家真係唔需要。(《金》劇咁受歡迎,唔繼續拍劇唔覺得可惜?)唔會嘅,當然我好開心觀眾鍾意呢套劇,但續集嘅話我肯定唔會拍喇!」又打趣說近日忙於當老公秘書,幫他拍片及剪片,似乎想將陣營轉到網上平台,她說:「經營一個林師傑已經好忙喇!」

林師傑有共識做父母

對於Tammy退出幕前想盡快當母親,林師傑接受電話訪問時直言「非常支持」,更笑言「1000000000000x想」組織家庭, 兩人恨做父母恨到出晒面!他說:「我好鼓勵佢追求做媽媽呢個夢想,就好似佢支持我做音樂一樣,我哋有晒共識,識得因應大家嘅轉變去調整。」問到Tammy不做幕前,會否有經會否有經濟壓力?他表示會努力賺錢,更Man爆說:「我會養佢一世!」

港姐變咪神 愛解放乳頭

本周六(26日)踏入27歲的歐陽巧瑩,2013年參選港姐時成「是非港姐」,包括被指虛報學歷等。三甲不入但獲得友誼小姐的她,入行後多做旅遊及休閒節目主持,在《山系女行Yama Girl》及《3日2夜》中性感大解放,憑34C、24、34驕人身材成為無綫咪神之一。惟 六年來拍劇機會不多,只參演過《心理追兇Mind Hunter》、《特技人》及《十二傳說》等六套劇集。

性感愛解放並非只限幕前,她一直支持 「Free the Nipple」運動(解放乳頭運動),前年 更網晒激凸照,直言不愛戴胸圍:「有呢個習慣多年,唔喜歡被箍嘅感覺。」去年她和林師傑去馬爾代夫度蜜月時雙雙裸泳,更把照片公諸同好:「以後都要坦誠相對,路至會行得遠。」

黃嘉雯恨拍劇主持 大小通吃

「有人辭官歸故里,有人漏夜趕科場」,前港姐歐陽巧瑩決定引退生BB,應屆港姐三甲黃嘉雯、王菲及古佩玲則希望嘗試拍劇,昨日三女出席活動,問到想挑戰甚麼角色?黃嘉雯與古佩玲表示「咩都殺」,古佩玲指有追看《金宵大廈》,對這類題材劇集躍躍欲試,而王菲表示想演搞笑及古靈精怪的戲。

除了拍劇,黃嘉雯亦希望可主持旅行節目:「我鍾意旅行,近排有睇《嫁到這世界邊端3》。(如果你同瑞士籍男友結婚,唔介意移居當地?)唔介意,之前放假跟過佢返家鄉見家長,仲留咗個幾月,係有啲悶嘅,因當地冇乜景點,一日已經行晒,所以我每日喺屋企負責打掃,但OK嘅。」

更多新聞,請瀏覽東方日報網頁:

http://orientaldaily.on.cc/

東網網站 : https://on.cc/

東網Facebook專頁 : https://www.facebook.com/onccnews/

0 0
reaction icon 0
reaction icon 0
reaction icon 0
reaction icon 0
reaction icon 0
reaction icon 0