唔少明星喺近年都逐漸願意公開自己仔女嘅相，有啲仲幫仔女開Instagram account，同大眾分享生活一點一滴！喺眾多星二代BB中，李璨琛囡囡李元元（Lucy）更喺社交媒體中爆紅，成為網民新寵。最近，Lucy就同屋企人去咗遊船河，仲露出個「天然呆」樣，加上佢塊「靴面型」仔，成個小新咁超得意！
撰文：Kammy｜圖片來源：李元元Instagram，李璨琛Instagram
李璨琛囡囡遊船河
最近，李元元就同屋企人去咗遊船河，期間仲坐咗喺駕駛座。不過，一向都表情多多嘅Lucy竟然擺出個「天然呆」樣，目無表情，仲話：「呢度係邊度？前面嗰舊係乜嘢？我淨係覺得好熱，快啲車我返屋企 #熱死LU #睇我個側面都知我係冇表情啦！」
現「靴面型」超治癒
雖然Lucy冇乜表情，但唔少網民都大讚佢塊「靴面型」仔勁有肉地，超得意，仲話佢好似蠟筆小新添！不過，其實Lucy都唔係第一次晒佢塊「靴面型」仔，網民每次見到都會話想搣佢一吓！
李璨琛囡囡相被淘寶賣家盜用
李璨琛囡囡李元元（Lucy）一向都表情多多，佢同太太經常都分享Lucy嘅相上Instagram，好快就吸到6萬多嘅粉絲返嚟。不過，原來放相上社交網竟然會被淘寶賣家盜用！近日，李璨琛兩公婆發現，Lucy嘅相被淘寶賣家盜用，仲用咗嚟整手機殼去賣添！
李元元被指係「冷漠BB」
李璨琛兩公婆發現之後，就上載圖上Instagram，見到網站中以大頭相做手機殼為主打，而Lucy仲被人稱為「冷漠BB」！李璨琛兩公婆留言：「好榮幸能夠在偉大嘅淘寶出現並成為一個冷漠嘅BB #冷漠 #HKD43.79」，十分搞笑！不過，眼利嘅網民見到，除咗Lucy係受害者外，原來仲有陳柏宇囡囡Abigail！
唔少網民見到之後都十分關注事件，叫佢哋快啲收返版權費，不過都有唔少Lucy嘅粉絲都指要買返個，更笑言「元元細細個就打入中國市場🤣」、「紅到去偉大既祖國🤣」、「作為鐵粉 購買是必須的👍🏻」，睇嚟Lucy真係好受歡迎！
李璨琛囡囡1歲生日
呢日李璨琛兩夫婦幫Lucy搞一歲生日派對，仲邀請咗多位親朋戚友出席，場面十分熱鬧！壽星女Lucy雖然早前病咗，但好在喺開生日會前已經痊癒，Lucy喺Party當日仲十分精靈添！
壽星女Lucy戴上寫住「I’m One！」嘅彩帶，頭上仲戴有寫住「Birthday Girl」嘅后冠，成個小公主咁超可愛，唔少賓客都爭住要抱佢！
囡囡望住蠟燭目瞪口呆
爸爸李璨琛亦全程抱住囡囡，喺吹生日蠟燭時，Lucy更眼都唔眨咁望住！
其後，Lucy媽媽更不忘搞笑本色，喺Instagram上以Lucy角度回應嘅囡囡反應，表示「係（喺）我角度，前面嘅景象，就好像宇宙大爆炸咁……」，超搞笑！
當日Lucy嘅生日Party仲係三代同堂添，雖然Lucy一直喊緊，但Sam媽媽抱住孫女笑到見牙唔見眼！
Party過後，Lucy仲喺自己Instagram度出Post，指自己生日願望係希望可以再訓少啲、「#今晚可以初嚐一滴檸檬茶🤤」，真係十分得意！喺度祝Lucy生日快樂！
李璨琛同囡囡「元元」碌碌減肚腩
李璨琛依家有女萬事足，一有時間就留喺屋企陪呢位前世情人Lucy。最近，佢更喺社交媒體發佈一段同元元健身嘅片段，短短一日已經吸引接近三萬人觀看，真係好勁呀！
短片內容為囡囡喺家中客廳陪爸爸健身，兩父女一齊減肚腩！片中元元努力配合正確姿勢，陪爸爸減肥嘅樣真係可愛至極，難怪一眾粉絲都被元元迷倒！爸爸李璨琛仲留言：「Lucy都覺得自己個肚腩仔越來越大所以都要跟爸爸做下運動先#郁together」
Lucy都覺得自己個肚腩仔越來越大所以都要跟爸爸做下運動先 #郁together
A post shared by 李璨琛Sam Lee (@becarefullee) on Mar 6, 2019 at 2:21am PST
元元爆紅秘芨
李璨琛自從成為爸爸之後，就大方與大家分享囡囡照片。太太梁志瑩（Pae）更加於社交媒體為囡囡開專頁，憑面圓趣怪的樣子瞬間爆紅，吸引6萬名粉絲。
A post shared by 李元元🐷 (@lucy.is.good) on Feb 13, 2019 at 8:57pm PST
鬼馬Caption 元元變洪金寶
除咗有元元嘅圓咕碌身材，元元爆紅專頁仲有媽媽嘅鬼馬旁述加持。每一張元元嘅趣怪相片下面都充滿媽媽嘅嘲諷，其中最搞笑莫過於直稱自己囡囡為洪金寶。
最近冇練15 20啦, 轉左練佛山無影手#洪金寶之夢#磨菇
另外，李璨琛晒相話元元個樣似洪金寶，相中元元唔知望咩望到好入神，仲「擘大個口得個窿」，老竇不時都搞笑用「元美」、「狀甚似波」形容阿女，惹笑網民。
媽媽搞笑製圖 留下囡囡「蝦碌」回憶
直呼自己囡囡做洪金寶都未算誇張，媽媽仲為元元製作唔同嘅表情符號貼圖，令各位粉絲捧腹大笑。不過，未知元元長大後可唔可以冷靜面對媽媽留下嘅幽默呢？
全天侯進入搖晃狀態 #搖晃星期一 #Dtag根本就係亂黎 #跟我一起搖晃吧 😂
A post shared by 李元元🐷 (@lucy.is.good) on Feb 24, 2019 at 9:32pm PST
十大鬼馬Caption
我嘅志願係保衛地球#堅定的眼神#嗰個煎pan
媽媽話我條腿算係全宇宙最修長㗎喇#儀態萬千#元美體態
用力眨眼叫自己保持振作#頂住呀肥LU#絕對不會輕易放棄手上嘅玩具#梗係玩左先啦
媽媽話條裙成三十幾蚊，雖然唔係好襯我，但話晒年初一，都着下啦 #祝大家財元滾滾來
每一次眼瞓，我都以為係世界末日 #難受啊
元元我真係好慘呀，扯極爸爸佢都唔敢落嚟同我玩 #懦夫 #留意返爸爸條手筋 #頑強地抵擋着 😂
每當夜幕低垂，聽到媽媽說要睡覺這兩個字; 人，頓時失落起來⋯ #有感而發 #擰歪面 #扮睇媽媽唔到 #就以為媽媽真係睇我唔到
我聽日想試吓再樣衰D
食左阿媽買果D下價cheap cheap士多啤梨，酸到我呢 #表情異常痛苦 #whysocheap #許冠文
從來都冇講過自己鍾意聖誕老人 #根本係媽媽自己想影 #狀甚痛苦 #不安 #後面嗰條長毛怪
李璨琛囡囡8個月 流著口水嗌爸爸
相當搞笑！早前李璨琛喺社交網分享咗一段Lucy嗌爸爸嘅片段，片中見Lucy面珠脹卜卜，仲口擘擘流晒口水咁不停嗌「爸、爸、爸」，相當搞笑！聽到寶貝女第一次嗌爸爸，老竇當然開心，但都不忘取笑阿女噴口水：「第一次聽到你叫爸爸的我表示很開心，但可不可以唔噴咁多口水呀Lucy#第一聲爸爸」
第一次聽到你叫爸爸的我表示很開心但可不可以唔噴咁多口水呀Lucy😂 #第一聲爸爸
A post shared by 李璨琛Sam Lee (@becarefullee) on Dec 17, 2018 at 12:01am PST
李璨琛 潮男甘願為女兒改變
想當年的潮界男神今時今日已經成功變身成為顧家男。外表愛玩、不羈的李璨琛，原來一個愛家、專一男，更在前世情人李元元誕生後，報班上堂學做新手爸爸，超級有愛！
大家一齊玩到熄燈 #lucyisgood #我真係堅持到最後
A post shared by 李璨琛Sam Lee (@becarefullee) on Oct 6, 2018 at 9:14pm PDT
大熱天時唔比人開冷氣攪到我要幫個女潑扇睇下Lucy個樣幾無奈 #出汗 #排毒 #心靜自然涼個屁
A post shared by 李璨琛Sam Lee (@becarefullee) on Jul 19, 2018 at 1:21am PDT
李璨琛經常係社交網大晒女兒得意相，仲好有心思咁為每一張照片配上「搞笑」對白，慈父樣出晒嚟！
唔係同你親子時間呀老竇，其實係想叫你借歪啊唔該 #唔講你又唔明講又驚hurt到你老人家 #阻住我個swimmingpool #個樣串到 #撥左撥右撥左撥右吖唔該
A post shared by 李元元🐷 (@lucy.is.good) on Nov 23, 2018 at 8:08pm PST
看見食物我有初戀的感覺 #想食 #一粒下巴 #請勿談論我的肚腩
A post shared by 李元元🐷 (@lucy.is.good) on Nov 3, 2018 at 12:03am PDT
一向型爆嘅潮爸李璨琛，都甘願為女朝聖Baby Shark。
A post shared by 李璨琛Sam Lee (@becarefullee) on Dec 5, 2018 at 1:47am PST
週五大放送 #happyfriday #shudbehappyeveryday #原來今日係星期四 #因為我係BB所以唔識分星期四同星期五講完 #BB唔識分星期幾好奇咩 #真係笑死了#😂😂😂😂😂
A post shared by 李元元🐷 (@lucy.is.good) on Dec 12, 2018 at 8:29pm PST
李璨琛首次為囡囡沖涼
早前梁志瑩近日不單至在社交網上放出一張囡囡的「出浴照」，並用星星圖案遮住囡囡嘅身體，又大爆老公係第一次幫囡囡沖涼咁話。相中可見元元眼定定咁望住爸爸，畫面有趣。
李璨琛囡囡鬼馬吹口哨
其實佢哋兩公婆亦不時上載囡囡的BB相上網，相中睇到元元細細個就已經非常趣致，佢已經識合埋雙眼，口形更好似扮緊吹口哨咁，認真鬼馬～
李璨琛歡喜囡囡
李璨琛嘅囡囡早前出世了，他於Instagram貼上女兒的小手，並宣布「Welcome to this world my sweet！」
