對於「點樣有效去掉手踭及腳踭角質」呢個問題，愛美嘅女士們應該有好多心得同方法，不過原來只需出動擦膠，就可以將角質輕鬆「擦走」——日本專造襪子嘅品牌砂山靴下最近忽發奇想，諗到跟家喻戶曉嘅擦膠品牌Radar搞聯乘，推出Radar腳踭擦膠！單睇外形係一嚿放大咗嘅Radar擦膠，實際佢由7種成分包括絲、摩洛哥堅果油、透明質酸、珍珠、豆乳、黏土粉及貝殼粉組合而成，質地堅硬卻唔傷皮膚，用來擦腳踭同手踭等死皮積聚位置，就可以有效將死皮擦走（摩擦過程死皮真係好似擦膠碎咁掉落，好有Feel呀），令皮膚回復幼嫩。與此同時擦膠表面真係似足擦膠會逐漸磨蝕，方便使用又夠衞生。Radar腳踭擦膠將於4月20日喺日本各大雜貨店、藥房、文具店及手信店發售，每嚿售900日圓。
網址：https://twitter.com/sunayamasocks
東網網站 : https://on.cc/
東網Facebook專頁 : https://www.facebook.com/onccnews/
