請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

新聞

政Whats噏:漢奸黎密會李漢奸高達逾兩個鐘 又攪局?

on.cc 東網

更新於 2019年07月19日14:49 • 發布於 2019年07月19日14:49 • on.cc 東網
黎智英同泛民派人士密會逾兩小時,李卓人(左起)、單仲偕同李永達參與密會後離開。
黎智英同泛民派人士密會逾兩小時,李卓人(左起)、單仲偕同李永達參與密會後離開。
李柱銘(右)同何俊仁(左)係密會嘅常客。
李柱銘(右)同何俊仁(左)係密會嘅常客。
黎智英嘅七人車喺旺角警署附近放低林卓廷(圖)。
黎智英嘅七人車喺旺角警署附近放低林卓廷(圖)。

社福界同民陣喺嚟緊嘅周日(21日)將發起要求撤回修訂《逃犯條例》遊行,遊行前夕,壹傳媒黎智英(漢奸黎)今晚(19日)又同「搞事四人幫」之一、有「李漢奸」之稱嘅民主黨(白鴿黨)創黨主席李柱銘、違法佔領行動(佔中案)被判囚8個月獲緩刑兩年嘅前主席李永達(高達),及被踢爆一度將漢奸黎秘密捐款「袋住先」長達9個月嘅工黨立法會前議員李卓人密會攪局。唔通係想為周日嘅遊行諗計搞亂檔?

晚上7時許,漢奸黎嘅七人車接載住高達等人去漢奸黎位於何文田嘅寓所,約5分鐘後,另一架私家車載住外號「AV仁」嘅白鴿黨前主席何俊仁抵達。

密會最少兩個多小時後,漢奸黎親自行到門口送客,約晚上9點40分,漢奸黎嘅七人車接載住李漢奸、高達、AV仁同該黨現任立法會議員林卓廷同立法會前議員單仲偕(𠜎雞)同李卓人離去。幾分鐘後,高達、林卓廷、𠜎雞同李卓人喺旺角警署落車,而七人車繼而送李漢奸同AV仁離開。

漢奸黎同民主派就反修訂《逃犯條例》大合奏,喺早前兩次反修例遊行中,漢奸黎更排喺隊頭,儼如總指揮。近來多次反修例遊行更爆發肢體衝突,香港立立亂,嚟緊周日又再有要求撤回修例嘅遊行,漢奸黎同咁多白鴿黨成員及李卓人喺遊行前密會,唔知係咪又想諗計搞亂檔呢?

東網網站 : https://on.cc/

東網Facebook專頁 : https://www.facebook.com/onccnews/

0 0
reaction icon 0
reaction icon 0
reaction icon 0
reaction icon 0
reaction icon 0
reaction icon 0