好多人玩扭蛋機除咗為咗扭到想要嘅玩具、飾物，亦希望可以透露扭蛋嘅過程享受未知扭出何物嘅刺激，但係相信大家估唔到扭蛋都可以扭出危機！
唔少人都玩過「黑鬍子危機一發桶」，呢款玩具由多位玩家輪流將玩具劍仔插入桶中，萬一有人插劍嘅時候觸動機關，桶中嘅黑鬍子海盜就會極速彈出，的確相當刺激。而一般嘅危機一發桶大約有20厘米高，不過最近玩具已經縮小變成大約為6厘米嘅迷你版，細到可以由玩家一手掌握！縮小版危機一發桶會以扭蛋形式畀大家扭出六款危機一發桶，並由玩家自行組裝玩樂，而扭蛋每次為200日圓，都幾抵喎！
東網網站 : https://on.cc/
東網Facebook專頁 : https://www.facebook.com/onccnews/
