藝人張景淳憑處境劇《愛．回家之開心速遞》「龔燁」一角人氣急升，近日應活動邀請，戴黑超唱快歌炒熱全場氣氛，佢落台時更被一班女士圍住，他說：「我唱陳奕迅嘅快歌，同大家有近距離接觸，所以戴番副黑超，保持神秘感。」佢透露除咗有唔少人叫佢做「龔燁」之外，仲同今次活動司儀梁嘉琪好有緣分，令佢覺得分外親切：「因為我喺劇集《師奶Madam》同佢係做由識玩到大嘅朋友，所以見到佢好開心。」
另外網友最關心嘅《愛》劇情發展，唔少人都希望佢快啲同「熊尚水」呂慧儀拉埋天窗，佢笑言：「我喺劇入面追佢都用咗一年零三個月，我相信結婚要多一倍時間，即係兩年零六個月，再加上中間又有大小姐同曹總，所以大家要留意啦！」
東網網站 : https://on.cc/
東網Facebook專頁 : https://www.facebook.com/onccnews/
