ViuTV《萬人幫拖搞個唱》以真人騷形式紀錄火火（李家榮）及KB（李健宏）由組隊到開演唱會的過程，見證眾人相助的成果。 明晚（24日）播出的第5集，講到KB、火火密鑼緊鼓籌備個唱，二人忽發其想，想到以中式婚照作宣傳照的主題。
二人身穿長袍馬褂，甚有宗師氣勢，過程中邀得素人婚照攝影師幫拖，二人聽從攝影師的指令。期間，攝影師要求他們拿著繡球，互相對望「嘟嘴」，擺出一款含情默默的表情。
攝影師再進一步問「如果掂到（嘴）得唔得啊？」二人反應相當驚訝，攝影師安慰二人指「冇事嘅！唔痛嘅！」二人依然照做，十分專業。
事後火火投訴KB：「你唔好舔完個嘴唇先錫過嚟！濕嘅！」火火坦言「為咗答謝你（攝影師）肯捱呢個義氣，所以你有構想我哋一定會滿足你！」宣傳海報製成後，KB和火火落區在小巴及店舖等張貼海報，為個唱落力宣傳。
撰文：機