去外地旅遊，住宿方面除咗考慮價錢之外，亦都要考慮埋自己嘅性格。今日，就等小編同你地分析唔同性格嘅人適合住邊一類型嘅住宿。
# 為人著想型— 民宿
(google 圖片)
為人著想型嘅朋友，大多數都會企係對方嘅角度諗，深諳入鄉隨俗嘅道理。面對唔同地方獨有嘅生活習慣、美食、文化，真係未必人人都可以習慣。住寄宿家庭，最重要係考慮主人家嘅感受！為人著想型嘅朋友會考慮慮對方嘅性格，怕嘈住主人家訓教，怕偏食會令主人家難堪等等，分分鐘令主人家對你加分，為自己嘅國家帶嚟一個好印象比對方！
# 外向健談型— 合宿型旅館
(booking.com)
合宿型旅館指既係幾個陌生人其用一間房，例如青年旅館。大家共用一間房，少不免會有交流，而且大家都係去旅行，自然會有更多共同話題！外向健談型嘅朋友可以好快咁同陌生人打開話匣子，話唔定仲可以同室友結伴玩樂添！外向健談嘅你住合宿型旅館，除咗可以滿足自己講唔停口嘅性格，仲可以結識到唔少新朋友！
# 慢熱健談型— 設有共享空間的一人房旅館
(booking.com)
如果你並唔係嗰種自來熟、又介意展示自己生活習慣嘅人，但仍然想認識一下新朋友，可能你只係需要一個客廳，而唔係同人共用一間房。始終自己一間房感覺上比較有安全感，想要安靜嘅時候入返房就唔會被打擾。設有共享空間嘅一人住宿旅館，提供咗一個共用空間比健談嘅朋友暢所欲言，但同時大家都有不被打擾嘅自由，啱哂注重私隱但又想識朋友嘅你！
# 內向自閉型— 不設共享空間的酒店/旅館
(booking.com)
內向自閉型嘅人，既唔鍾意同人social，亦都鍾情於獨處。如果有預算的話，連廁所同沖涼房等設施都唔想同人共用，享受自己出遊嘅時間。既唔需要受到係共享空間傾計所帶嚟嘅噪音滋擾，又可以享受獨處嘅空間，啱哂內向自閉嘅你！
# 完美主義者— 酒店
(booking.com)
大多完美主義者或多或少都會有潔癖。雖然酒店未必會將啲床單、被舖換過哂，但點都好過同啲唔識嘅人分享浴室同廁所。再加上酒店每日都會有執房服務，仲會幫你換上新嘅毛巾，除咗咁之外，服務亦相對較專業，啱哂作為完美主義者嘅你！
唔同性格嘅人適合入住唔同嘅旅館，但無論住咩類型嘅旅館，都要識得自重，尊重對方！
