藝人古天祥（Carlos）今年9月與從事醫療集團經理的圈外女友周琬瑜拉埋天窗，日前（14日）更正式榮升爸爸，短短數月內兩級跳升呢做人夫兼人父，認真可喜可賀。他透露囝囝於浸會醫院出世，重7.1磅，並宣布其名字叫Ricardo Koo：「呢個係一個西班牙文名，係有西班牙血統嘅專利，至於中文名就仲諗緊。」
冇安排剪臍帶
講到產子過程，Carlos憶述當時BB出世後，太太曾一度出現身體不適，令他極為擔心，幸好最後平安無事：「嗰日中午，我入咗手術室陪太太生產，BB一出世嘅時候，我哋都喺度喊，醫生好忙所以冇安排我剪臍帶。但當醫護人員要求我離開手術室時，我見到太太好似暈暈哋、成身震晒，地下仲好多血，姑娘叫我離開手術室，等醫生完成餘下嘅工作，我喺手術室外邊等咗好耐，真係好擔心佢！等咗大概45分鐘，佢平安出嚟我先至放心。」
東網網站 : https://on.cc/
東網Facebook專頁 : https://www.facebook.com/onccnews/
