無綫旅遊節目《3日2夜》性感小花鄧以婷，擁有魔鬼身材的她同樣有天使的心腸，就最近新冠肺炎病毒肆虐社區，她因認識良心藥房買到口罩而不用捱貴貨的同時，亦顧及基層長者需要，主動跟藥房接洽，成功游說老闆捐出2,500個口罩派給長者！
日前她與一班好友到葵涌區的屋邨派發這批口罩予一眾長者，當日下午排隊的公公、婆婆眾多，以婷則搬出幾大紙皮箱口罩落力派發，而獲贈了一包5個口罩的長者們，個個都笑晒口，相當開心。
睇完伯伯訪問片落淚
鄧以婷接受東網受稱自己有這個自發性行動，源於日前看了《東張西望》一段伯伯喊冇口罩用之訪問片而感動落淚，她說：「我覺得個伯伯好慘，所以即刻行動，好彩我識到良心藥房，佢哋肯捐大批口罩幫基層人士，其實之前我都有派過畀啲倒垃圾嘅姐姐，佢哋收到時係好開心，話好多謝我！因為我知巿面好缺口罩，我唔想佢哋捱貴貨又要排隊咁辛苦，所以我會用我最大嘅能力，再搜羅多啲口罩，派畀唔同區域嘅有需要人士。」
東網網站 : https://on.cc/
東網Facebook專頁 : https://www.facebook.com/onccnews/
