李太、吳太和 Vivian，三位都是天主教徒，昨日（17日）下午眼見理大情勢危急，毅然進入理大聲援市民。三人本來各自來到，就自發在廚房幫忙，因而結識。
吳太：「睇新聞知道有個廚房，細路仔邊度識煮嘢食㗎，所以就來幫手。」
李太：「琴晚做到依家冇停手，本來都有諗過走，但走唔到，好驚，唔明點解自己只係煮飯都要擔心畀人拉。廚房糧水都唔夠，最多煮多半日，又驚冇煤氣，政府真係好陰毒，佢哋一係衝出去，留喺度唯有餓死。」
Vivian：「我唔驚俾人拉，班小朋友好乖，上完前線都會主動幫手，頭先見到佢哋成班拎住武器準備衝出去，忍唔住喊，好擔心佢哋。」
守護言論與新聞自由。立場新聞，寸步不退。
每月贊助支持立場新聞
